Għodod Elettroniċi għall-Malti

MAL3010 Għajnuniet Avvanzati għar-Riċerka

Vetrina | Materjal u Riżorsi | Skeda | Ħoloq | Macros

Bħalissa qiegħed hawn: Vetrina > MAL3010 > Materjal u Riżorsi

Sit elettroniku: verżjoni 2.3

Il‑materjal kollu f'dan is-sit elettroniku huwa miġbur f'fajls ikkompressati bis‑sistema ZIP u li jiftħu awtomatikament fil‑kompjuter malli jitniżżlu. Tiġi mitlub tagħti ċavetta elettronika (password) biex tiftaħ xi fajls minnhom. Din iċ-ċavetta tingħatalek waqt il‑lezzjonijiet.

Kif tniżżel il‑materjal:

Ikklikkja fuq l‑istampa tal‑fajl.
Agħżel Open.
Ikklikkja Unzip.
Ittajpja ċ-ċavetta elettronika meta tiġi mitlub.
Ikklikkja OK meta jidher il‑messaġġ li l‑proċess huwa komplut, u Close biex toħroġ mill‑WinZip Self-extractor.

Il‑fajls kollha għandek issibhom ġo folder f'C:/1010ricerkabazika/.

Ikkuntattjani jekk issib xi diffikultà.

Il‑VLE tal‑Università

Jekk ikollok problema biex tniżżel il‑materjal minn dan is-sit, ftakar li tista' taċċessa l‑istess materjal mill‑VLE tal‑Università

Riżorsi għall‑kors

Dawn huma r-riżorsi ewlenin ta' din it-taqsima-studju. Għandek bżonn ċavetta elettronika biex tniżżel il‑pakkett tan-noti.

Taħriġ komplut

Dawn id-dokumenti (f'format Word 2007 docx) tista' tużahom biex tipprattika dak kollu li għandek bżonn biex tiffanliżża assenjament jew teżi; mill-ħolqien ta' stili speċifiċi għat-tifsil ta' werrej ġenerali. Għandek ukoll dokument PDF li jgħinek tagħmel kull ħaġa pass pass. Dan tista' tqisu bħala appendiċi għan-noti tal-kors. Hemm ukoll dokument mudell tax-xogħol maħdum.

Reviżjoni

Ir-riżorsi t'hawn taħt jagħmlu wkoll parti mit-taqsima studju MAL1010 Għajnuniet Bażiċi għar-Riċerka. Tista' taċċessahom minn hawn jekk għandek problema tniżżilhom mill‑VLE.

Ħoloq

http://www.um.edu.mt/arts/malti/tezijiet
Tagħrif dwar it-teżi

http://owl.english.purdue.edu/owl/printable/747/
Dan is-sit jagħti verżjoni qasira tal‑aħħar verżjoni tal‑istandard MLA ippubblikat fl‑2009.

www.kunsilltalmalti.gov.mt
Il-Kunsill Nazzjonali tal-Ilsien Malti

EasyBib
http://www.easybib.com/

Fuq

Qarrej tal‑PDF

Jista' jkollok bżonn tinstalla qarrej tal‑PDF biex tkun tista' tara l‑fajls tal‑format PDF. Ikklikkja l‑istampa t'hawn taħt biex tinstalla wieħed fuq il‑kompjuter.