Għodod Elettroniċi għall-Malti

MAL1010 Għajnuniet Bażiċi għar-Riċerka

Skeda tal‑Eżami Prova

Dati:
Grupp 1: 04/11/2019
Grupp 2: 25/11/2019

Ħin:
18:00 - 20:00

Tul: Sagħtejn

Post: TR003

Skeda tal‑Eżami

Data: 03 Frar 2010

Ħin: 17:30 - 18:35

Tul: siegħa u ħames minuti

Post:
TR003; TR104; TR105

Proċedura

Huwa importanti li tiġu għall-eżami mill-inqas 20 minuta qabel ħalli tilħqu tidħlu bil-UserID temporanju tagħkom u naraw li s-sistema tkun qed taħdem sewwa.
Biex issibu postkom fittxu isimkom fuq il-listi li jkun hemm mal-bibien tal-laboratorji.
Qabel l-eżami tingħatalkom folja bl-istruzzjonijiet biex tidħlu b'kont elettroniku temporanju, b'UserID u password ġodda. Fl-eżami m'intomx se tużaw il-UserID tagħkom personali.
Dan il-UserID se jkollu miegħu index number. Eż., fil-UserID "maltiexam123" l-index number huwa "123". Fuq din il-karta iktbu n-numru tal-identità tagħkom. Waqt l-eżami din il-karta tinġabar mill-inviġilaturi.
Malli jibda l‑eżami tingħatalkom folja oħra bl‑istruzzjonijiet għall-eżami.
Se tiġu mitluba ttellgħu żewġ dokumenti li jkollhom l-istess index number tal-kont tagħkom, eż.123_MAL1010jan2020.docx

X'inhu mistenni fl‑eżami?

Din it-taqsima studju se tkun assessjata b’eżami prattiku fuq il-kompjuter.

L-eżami jkun ta’ siegħa. Se tiġi mitlub ittella’ dokument mis-server tal-Università u taħdem fuqu skont kif tkun mitlub, u terġa’ tissejvjah fuq l-istess server b'isem differenti.

Dawn in-noti jinkludu informazzjoni varja li inti tista’ ssib utli waqt li tkun qed taħdem fuq l-assenjamenti u t-teżi tiegħek, madankollu l-eżami mhux se jkopri dawn id-dettalji kollha. Għall-eżami biżżejjed tistħarreġ sew f’dawn is-sezzjonijiet:

Sezzjoni 4: Biex tuża l-alfabett Malti
Sezzjoni 7: L-istil tat-test
Sezzjoni 8: Il-Marġini ta’ dokument
Sezzjoni 9: Headers, footers u paġinazzjoni
Sezzjoni 11: Referenzi u biblijografija
Sezzjoni 12: Eżempji tal-istandard MLA
Sezzjoni 13: Eżempji tal-istandard APA 6
Sezzjoni 14: L-istandards internazzjonali (MLA/APA) u l-istili lokali

Lura għall‑Iskeda

Fuq

X'se jiġri waqt l-eżami prova?

Waqt l-eżami prova se jiġri eżatt dak li se jiġri fl-eżami. Se tingħata kont temporanju biex tidħol bih, u se jkollok l-istruzzjonijiet meħtieġa biex issib il-karta fuq is-server, taħdimha u terġa' taħżinha.

Se jingħatalek eżatt l-istess żmien li jkollok qabel l-eżami biex tidħol fil-kont temporanju u taċċerta ruħek li s-sistema qed taħdem tajjeb.

Wara jkollok l-istess ħin daqs l-eżami biex taħdem il-karta. It-tutur se jkun preżenti l-ħin kollu waqt l-eżami prova, imma mhux waqt l-eżami proprja.

Malli jispiċċa l-eżami se jkun hemm ħin għal diskussjoni mat-tutur rigward xi problemi li jistgħu jinqalgħu (tekniċi jew dwar il-karta).

Lura għall‑Iskeda